معظمنا , ان لم يكن جميعنا , قد تعاطف , واعجب , بما تفعله ايران , ومن صمودها فى وجة الطغيان الامريكى , حتى أصبحت قوسين او ادنى , من تحقيق الحلم النووى
ولكن
هل ايران دولة مسلمة , ام انها دولة دينية شيعية؟
وحتى لا يلتبس الامر , فالاجابة واضحة , فايران دولة دينية شيعية , والدستور الايرانى ينص على ان رئيس الدولة يجب ان يكون شيعيا, هذا بالاضافة الى ان ايران لاتسمح حتى الان ببناء مسجد لاهل السنة فى طهران , على الرغم من تواجد بعض المعابد اليهودية, أى ان القضيه محسومة سلفا , وايران دولة دينية شيعيه
مع كامل احترمى لكل من يسعى لتقريب العلاقات المصرية الايرانية , الا انى ارى انهم ينقصهم الكثير من المعلومات , والتى ادت بدت بدورها الى اتخاذهم هذا الموقف , والى كل من يقول لا تذيدوا فى الفرقة بين المسلمين , أقول له لسنا نحن من أوجد الفرقة , ولكن اوجدها الذى اطلق اسم قاتل السادات على شارع رئيسى فى ايران
ما الذى قدمتة ايران الى الاسلام , أو الى القضية الفلسطينية ؟
لا شىء , انها فقط مناورات , لقد حاربنا خمس حروب , وتأتى دولة تقتل المسلمين السنة فى العراق , وتضطهد السنة , وتسعى الى اعادة الامبراطورية الفارسية , من جديد , لتذايد علينا , انها احدى مهازل القرن , فما الذى قدمتة ايران حقا , هل دخلت مع اسرائيل فى حرب واحده حتى الان , رغم ما يسمى بالثورة "الاسلامية " هناك , وهل ستدخل فى حرب , ام انها مجرد مناورات للحصول على قوة دعم شعبية , نجحت فيها , وهل صور احمد نجاد التى رفعت فى العواصم العربية , سترفع الان بعد ما فعلتة ايران فى العراق , من قتل وتهجير للسنة , وما تفعلة وسوف تظل تفعلة
حرب النفوذ , هى الحرب القادمة لا محالة , وبدلا من أن نظل فى مقعد المتفرجيين كثيرا , وايران يذيد نفوذها فى المنطقة , ويوم بعد يوم , تمتلك اوراق أكثر وأكثر , ينبغى علينا التحرك السريع , للحد من هذا النفوذ , ولاعادة نفوذنا فى المنطقة , هذا النفوذ الذى نفقدة يوما بعد يوم , بسبب السياسات الخارجية المصرية , والتى منذ عام 1981 , وهى تفتقد الى الرؤية الشاملة
ما الذى تمتلكة مصر من أوراق فى المنطقة باسرها؟
لقد ساعدت سياساتنا الخارجية الحمقاء على فقدنا اوراق كثيرة يوم بعد يوم , وتصريحا غبيا بعد أخر , حتى اصبحنا لانملك الا التاريخ والموقع الجغرافى , أما ايران فتمتلك الورقة النووية , وتمتلك استقرار العراق , وتمتلك الهجرة الغير مشروعة , والوجود فى لبنان عن طريق ورقة حزب الله , وغيرها وغيرها
أعلم جيدا ان تعاطف المصريين , مع ايران , يمنعهم من رؤية اشياء كثيرة تكمل الصورة الاستعمارية للوجة الايرانى
وربما سيتغير هذا الوضع فى القريب العاجل ان شاء الله تعالى
وما زال الحوار مفتوح
اليوم هو 2 /2 /2007 , وهو عيد ميلادى ال 23 , وما اتمناه حقا , هو ان ارى أول مفاعل نووى يدخل الخدمة فى القريب , وان يحدث ثورة فى التعليم والصحة , كما حدث فى ماليزيا , من قبل , تؤدى الى النهضة الشاملة فى مصر , فان اردنا ان نستثمر فان الاستثمار فى البشر هو بحق الاستثمار
اريد ان يحصل حزب الوسط على قانونيتة , وان يتفرغ الى الحصول على الشرعية والتى لن يحصل عليها الا من خلال الشعب
At Saturday, February 03, 2007 2:03:00 PM, 
Khaled gad
اولا كل سنة و انت طيب و يارب تكون سنة سعيدة عليك
بالنسبة لايران
المعلومات فى عالم السياسة و العلاقات الدوليه دايما منقوصة و أحيانا مغلوطة, علشان كده الحكم النهائى على دولة أو مذهب ما و وضعه فى خانة الاصدقاء او الاعداء بصورة نهائية هو شئ بعيد عن الواقع , الا اذا كان موقف هؤلاء علنى و واضح وضوح الشمس
ايران ليها مواقفها الايجابيه اللى بتزيد عن مواقف دول عربية كتير من ضمنهم مصر , وقفتها ادام امريكا شئ لا يستهان به , مساعدتها للبنانيين فى حرب تموز شئ لا يمكن انكاره , عداوتها لاسرائيل واضحة و علنية على عكس بلاد عربية كتير
واللى بيحصل بين السنة و الشيعة فى العراق مش سببه الرئيسى ايران , العداوة دى مش حاجة جديدة و أحد أسبابها هو سياسة صدام اللى فشل فى احتواء طوائف العراق من سنة و شيعة و أكراد ... و الاحتلال الامريكى الان برضه سبب اخر لهذه الفتنة , يبقى ماينفعش نختزل الاسباب فى ايران و فقط
و تسميه شارع فى ايران على اسم خالد الاسلامبولى لا تعتبر عداوة لمصر ... فهم رأوا فى شخص السادات خطر على الاسلام و الاعتقالات بالالاف للعناصر الاسلامية من اخوان و جهاد و غيره كان سبب قوى لاثارة دولة دينية , شئ عادى جدا , و من باب العلم بالشئ , السادات اعتقل الاسلاميين السنيين و لم يكن عدائه ضد الشيعة , يبقى ليه ايران تسمى شارع باسم الاسلامبولى ان كانوا يكرهوا السنه
العداوة بين السنة و الشيعة لا توجد غير فى العراق و فقط , و اسبابها كثيرة جدا و زعلنى قوى انك يا هانى اتأثرت بالاتجاه المصرى و العربى و العالمى لتصدير كراهية ايران الى الشعوب العربية و كلنا عارفين مين المستفيد
معلومة من باب العلم بالشئ : الازهر أجاز اعتناق المذهب الشيعى بفروعه الاثنى عشر
تعديل بسيط : ايران دولة مسلمة تعتنق المذهب الشيعى , بدون الدخول فى شرعية المذهب من عدمه , مش قضيتنا
At Saturday, February 03, 2007 4:22:00 PM, HANY
بحب مصر
أخى الكريم : وانت طيب وبالف صحة وسلامة
احترم جدا رأيك , رغم اختلافى معه , فمواقف ايران حتى الان جعجعه فارغة , ولا تثمن من جوع , اما بالنسبة لوموقف ايران من لبنان , اخى الكريم لا تنس ان حزب الله هو من افتعل هذه الحرب , بتحريض من ايران حتى تكسب بعض الوقت لبرنامجها النووى , وقد نجحت فى ذلك , وحدث هذا على جثث اطفال لبنان , ولا عذاء للعرب
صحيح انا كنت واقف معاهم فى وقت الحرب , وكتبت كتير , بس ده لانه مكنش ينفع نتحايب وفيه حريقة فى البيت , فبعد ما نطفى الحريقة نقعد بقى ونتحاسب
وتقبل تحياتى
At Saturday, February 03, 2007 10:52:00 PM, ألِف
ما فيش أي مبرر موضوعي في رأيي للخوف من إيران دالوقتي. مش هيحتلونا بكرة و لا بعد 200 سنة. و ما لناش مصلحة نعاديهم. العكس هو الصحيح، مصالحنا في معظمها متفق مع مصالحهم، و يوم ما نختلف فنقدر نخليهم يعملولنا حساب، لو كنا احنا كمان محترمين.
لما بقول "مصالحنا" و "احنا" أقصد مصر.
متفق مع بحب مصر فيما قاله، و سؤال "هل إيران 'إسلامية' أم 'شيعية'" لا معنى له على الإطلاق يا سيدي. و كمان ما هو الإسلامويين السنة المصريين فرحانين في السادات و بيكرهوه!
أما عن وقت الحساب فالحريقة لسة ما خلصتش حضرتك علشان نتحاسب!
At Sunday, February 04, 2007 6:59:00 AM, HANY
ألِف
أخى الكريم : كان هذا رأييى منذ فتره قصيره , ولكن مؤخرا بدأت تتكشف لى أمور لم أكن ,أراها من قبل جعلتنى اعيد النظر فى موقفى , اما عن لبنان , فأخى ما ما يحدث فى لبنان هو ضريبة الديموقراطية , وهو أمر عادى جدا , اما عن الحريقة فقد اطفأت , وربما ستكشف الايام القادمة ما اقصده بخصوص ايران او بخصوص لبنان
وتقبل خالص تحياتى
At Sunday, February 04, 2007 2:41:00 PM, yamen
يظهر انك يا هاني و مع الاسف في عيد ميلادك ال23 وقعت في نفس الخطا اللي بتقع فيه شعوبنا يوم بعد يوم..
سبت اسرائيل وقعدت تهاجم حزب الله وايران..
يعني ايه ايران دولة مسلمة ولا شيعية؟
اقرا شوية عن المذاهب دي واعرف تاريخها
ثانيا:برضه يظهر انك نسيت ان الحرب الاخيرة اللي قادها حزب الله وذل فيها دماغ اسرائيل كانت وراها ايران بشكل واضح وده شئ يحسبلهم هما الاتنين..حتي لو كانوا افتعلوها زي ما انت بتقول..يا رب كل الناس تفتعل حروب مع اسرائيل و نموت فيها كلنا مش اللبنانيين لوحدهم
ثالثا:افرض ان ايران بتجعجع زي مانت بتقول..
علي الاقل هي بتجعجع في وش اعدائها مش في وش حلفائها
وشكرا علي سعة صدرك
At Sunday, February 04, 2007 7:47:00 PM, HANY
yamen
أخى الكريم
مش عارف انت ليه فترضت انى مقريتشى عن الموضوع كويس , بس ما علينا , اظن انى وضحت وجهه نظرى فى البوست لما قلت ان ايران دوله دينيه شيعيه , وليست دوله مسلمة
وبرضه انت افترضت انى نسيت مش عارف ازاى , بس اا منسيتشى اى من حقائق الحرب مع اسرائيل , اما عن التكهنات فهى لا تهمنى
على العموم شكرا على تعليقك
وتقبل تحياتى
At Monday, February 05, 2007 4:38:00 AM, 
daret beena ,, ree7 el taree2,, we sh2ee2 be eedoh salet ,, demaa2 akhooh 3ala el taree2 ,, we ommena tenadeena ,,, nensa elly benna we feena ,,, 3alashan 3eion amaneena ,, tah el taree2 beena,, mesheena ,, ma dereena ,,meen el 3adow men el sh2ee2 ,,
2alet leena ,, om el gomoo3 ,, shams el 7a2e2a ,, ghabet ,, we ghaab 2amar el rogoo3,, ghab el dameer we adeena ,, tara7 el ghel fe wadeena ,, la reeg3na wala ebtadeena ,,
tah el taree2 beena ,, mesheena ,, ma dereena ,, meen el 3adow men el sh2ee2 !
At Monday, February 05, 2007 4:49:00 AM,
el 7a2e2a ya akh Hany ,, ra2iak mo7taram ,, bas 7abeb adeef 7aga baseeta ,, leeh ya gama3a ,, mesh 3andena zaka2 seiasy ,, leeh mesh 3awzeen neshoof eno 7alian ,, bakarrar ( 7alian ) ,, nestafeed men emkaniat Iran , ,, leeh mesh ben7awel neksab 7aga men koon ennaha dawla eslamia ,, ??
ma32ool Iran ,, 3ademet el faida le daraget ,, ennaha mekhallia el 3alam kollo yet7aiel 3aleeha we ye2ollaha wennaby battaly te3mely nawawy ,, leeh mesh ben7awel nestafeed men wegood dawla zai de ,, we neshoof el Strategy momken teb2a a7san ezzai ,, law feeh noo3 men anwa3 el ta3awon aw el sadaka ma3a dawla zai de ,, bas 3arfeen ,, ara3 2a2ol da mosta7eel .. 3ashan Iran Real Democracy ,, we mesh afteker Ahmed Najad ,, yerda ye7ot edo fe 2eed wa7ed zai el 7agt beta3na ,,
have a nice day ,, !~
Democracy 1st,, then Anything can be changed to better ,,
have a nice day All,,
عزيزي هاني كل عام و انت بخير، و السنه دي ان شاء الله تتحقق كل احلامك الشخصيه و القوميه
أولا :بالنسبه لموضوع ايران و موقفهم من السنه انا غير ملمه تماما بالموضوع ده بس موقفغ ايران من القضيه الفلسطينيه زي موقف اي دوله عربيه الا و هو "مفيش موقف- طناش - "
ثانيا :- بالنسبه لحزب الوسط فرضنا انه حصل على قانونيته و شرعيته السؤال هوه ممكن يعمل تغير ؟