حتى لا تلعننا الاجيال القادمة , حتى لا نكون أجيال نكسة قادمة , لكى نستحق مصريتنا , وعروبتنا , لمستقبل أفضل , للحرية , للأمل , لابد من البداية
يبذل المدونون مجهودا كبيرا , فى ابراز الفساد , والنقد البناء , والتحذير من المخاطر المختلفة , هذا بالاضافة الى التوعيه العامة , والمشاركة فى المظاهرات , وتغطية الاحداث المختلفة , مجهود كبير جدا , بحيث انك الان لا تستطيع أن تتخيل مصر بدون المدونين , لقد اصبحوا جزىء لا يتجزأ من الاعلام , بل والضلع الاهم حتى الان , وارتفعت درجة المصداقية للمدونين بدرجة كبيرة وملحوظة , والان أن الوقت لتحدى جديد للمدونين , الا وهو الخروج من وراء شاشات الكمبيوتر , والانتقال الى التأثير المباشر فى الشارع المصرى
مدونون بلا حدود
ان ما أريد القيام به , فى هذه الايام فى مصر , لهو المحك الاساسى , لكل من ينتقد , هل هو ينتقد وكفى , أم انه على استعداد لبناء هذا الوطن , وهذا لا يعنى ان ما سنقوم به كمدونين سيلغى النقد , أو اظهار الفساد , وغيره , وانما نريد أن يكون لنا دور حقيقى وفعال , على أرض الواقع يسير جنبا الى جنب مع باقى النشاطات
لقد وجه بعض المدونين دعوه للتسجيل فى جداول الانتخابات , وانى وان أشكر ما قاموا به , الا ان هذا لا يكفى , وأقترح الاتى أن يخرج مجموعات , مجموعات من المدونين ليجوبوا شوارع محافظات مصر ويمروا على المنازل , ليبرزوا للناس على أرض الواقع ,أهمية التسجيل فى جداول الانتخابات , أى بمعنى الاتصال المباشر بالقاعدة , وهذا الاتصال أعتقد انه سوف تكون له نتائج ملموسة , ففى النهاية عندما نخاطب أحد على مدوناتنا, فنحن نخاطب شريحة معينة , ونحن نريد مخاطبة الشرائح الاخرى
نهر النيل , هذا النهر الذى يقول عنه أشرف الخلق انه من أنهار الجنة , هو والفرات , لماذا لا نفعل حمله الكترونية وواقعية ايضا , من أجل نهر نيل نظيف
أعلن من هنا , اننى سوف أقوم بتفعيل ذلك , والنزول الى أرض الواقع , والتوعية المباشرة , وانا من هنا أدعوا المدونين الى التفاعل معى سواء بالايجاب والموافقه , والخروج معى وتنسيق الجهود , فى التوعيه , والنهوض بالعقل الجمعى المصرى , أو بالنقض البناء , الذى يدفع للأمام , أو بالهجوم , المهم ان نفعل شيئا , ولا نقف مكتوفى الايدى ومصر تدمر من أمام اعيننا , لنبدأ بالقاعدة
وأنا أدعوا جميع المدونين الى التفكير الجدى فى مكان نستطيع أن نبدأ منه حملة مدونون بلا حدود , لنفعل شىء , قبل أن يأتى وقت , لا ينفع فيه ندم النادمين , حتى لا نورث نكسة أخرى لأجيال قادمة
الى
بحب مصر
dawy om el donya
Belya's Room
بنت سعد
ربـة الســـــيـف و القــلـم
العروة الوثقى
Fasakonya
كلبوزة لكن سمباتيك
سوسة المفروسة
مدونة الديب
cheer up it's spring time
الدين والديناميت
Zaman Al Wasl
جريده المهاجر المصرى
موقع عشرينات
الوَعْيُ المِصْري
حائر في دنيا الله
بنت مصريّة
على اسم مصر
واحد من الناس
– Ibn Bahya –
الزعيمه
فــي الــصــمــيـــم
ma-3lina
والى جميع المدونين , والى غير المدونين , من أجل مصر , من أجل غد أفضل , لنبدأ
أنتظر منكم قضايا نستطيع أن نبدأ حملة من أجلها , أمور واقعية , وايضا مكان نستطيع أن نبدأ منه , لننظم جهودنا ونفعل شيئا لمصر , لننزل الى الشارع , الان , حتى اذا احتجنا الشارع فى وقت قادم , تفاعل معنا , ولم يتركونا وحدنا
وما زال الحوار مفتوح
At Tuesday, December 12, 2006 11:52:00 AM, 
HANY
saso
جميل جدا , بس تفتكرى نبدأمنين , يعنى انا عايز مكان تقترحية , واروح انا ومجموعه من المدونين المهتمين , ونبدأ , وانا اجازتى جمعه وسبت , مستعد اعمل فيهم أى حاجه , بس المكان تفتكرى يكون ايه , عايزين نبدأ بمكان صغير بحيث اننا نشوف نتيجه بسرعه , فميحصلشى احباط عند الناس , ويكون التعليم , بطرق جديده يعنى بجوايز مثلا , اللى يجتاز امتحان كذا نجيبله كمبيوتر صغير , وفيه دلوقتى كمبيوترات مستعمله بانتيوم ثرى رخيصه جدا , وهكذا , يعنى نعمل حافز كبير , يا ريت تقترحى مكان , لانى مش شايف أى مكان محيط بيا فيه أميه , كله فى المدارس , المهم نبدأ بس لاننا لو بدأننا ووجدنا نتيجه وعملنا دعايه للموضوع كويسه هنلاقى الف شاب وشابه عايزين يشاركوا , ونعمل حاجه بجد , وتقبلى تحياتى
At Saturday, December 16, 2006 3:55:00 PM, Khaled gad
كلام جميل يا هانى بس لو فعلا لو عايزين يتحول لافعال فيه حاجتين
اولا : البدايه لازم تكون بحاجات خفيفه و بسيطه يعنى مش نبدأ بحمله لمحو الاميه و حاجات كده
ثانبا : الاتفاق على حاجه زى كده مكانه مستحيل يكون النت , لازم مقابلات على ارض الواقع
فكره جمعيه او حركه مدونون من غير حدود قديمه شويه بس للاسف لم تتعدى كونها فكره داخل مصر و ان كانت اتطبقت فى بعض الدول العربيه بس برضه مش بالنشاط المطلوب
فيه اماكن كتير ممكن تستضيف اجتماعات للمدونين , ممكن فى مقر حزب الغد او مقر كفايه او فى نقابه الصحفيين
وقبل ما تعمل اجتماع للمدونين المهتمين , لازم يسبقها اجتماعات تحضيريه مع عدد قليل من المدونين اللى هيتبنوا الموضوع
فانا شايف الفكره تبدأ بمجرد عمل هيكل او اتحاد للمدونين المصريين بهدف جمع كل المدونين تحت مظله واحده و ده يكون هدف اول اجتماع للمدونين و فيه نعمل زى انتخابات بسيطه للى هيمثلوا الاتحاد ده و يتصمم وقع للاتحاد
بعد كده نشوف هنقدر نعمل ايه علشان وقتها هنعرف مين معانا و مين مش معانا
وصدقنى ده مش سهل و محتاج شباب و بنات مؤمنين بالفكره و نشيطين و ايجابين و دول مش كتير للاسف
At Sunday, December 17, 2006 7:56:00 PM, 
كلام جميل وهو ان ينتقل المدونون للشارع
ولكن
تختفي قوة المدونون في انهم فكر له هدف واحد بدون ان يكون لهم كيان واحد اي القوه في الفرقه
ولو تجمع المدونون واتخذوا اتحاد وهيكل تنظيمي سيتحولوا لما يشبه الأحزاب السياسيه وهنا بداية النهايه
فحينما اراد محمد علي باشا التخلص من المماليك كان الحل الوحيد جمعهم في مكان واحد ومن ثم التخلص منهم
وقس على ذلك كل الحركات المعارضه في تاريخ الشريه
وانا هنا لا امانع النزول للشارع و المواجهه المباشره ولكن ليس الآن
وخلي بالك انت ذكرت حكاية الأتصال بالقاعده اكتر من مره هو ايه حكايتك
وشكرا على وجود اسمي ضمن المدعويين لمدونون بلا حدود
ومستني ردك على كلامي
At Sunday, December 17, 2006 8:25:00 PM, HANY
بحب مصر
جميل جدا يا مان اننا نبدأ بحاجات صغيره , وكمان عشان نشوف نتيجه بسرعه فالناس ميجيلهاش احباط , انما اننا نوك منظمة معينة ليها شكل ادارى , فده ممكن يضر المدونين أكتر من انه يفيدهم , وموضوع الاجتماعات التحضيريه ده جميل جدا , وانا بقترح انه , انا وانت وكمان اربع مدونين مثلا نجتمع ونعرض بعض الافكار , فيحصل براين ستورمينج , ويمكن نطلع بفكره كويسه قابله للتطبيق , وهبقى اكلمك يا مان ونتفق على ميعاد
وتقبل احياتى
At Sunday, December 17, 2006 8:29:00 PM, HANY
واحد من الناس
بالتأكيد , اتفق معك فى ما قلت , ولكنى لم ارد ان اخلق هيكلا تنظيميا , وكل ما اردت ان نجتمع مع بعض المدونين , لكى يطرحوا افكارهم فى كيف نستطيع ان نبدأ, ومن أين , ويقوم البعض منا بالنزول الفعلى للشارع , وعمل دعايا لمن يريد المشاركة , انه فى يوم كذا سيقوم بعض المدونين بفعل كذا , وهكذا , اتمنى ان أطلع على رؤيتك الخاصه بكيف نبدأ ومن أين ؟
وتقبل تحياتى أخى الكريم
At Thursday, December 21, 2006 9:39:00 AM,
هيكل عام للمدونين!!!
لا اعتقد ان في مدون يحترم ما يفعله يكره ذلك و لكن هناك من سيتبنى محاربة ذلك من المدونين بل و سيسخر مننا ايضا ان لم يكن هو القائد او الزعيم هنا بدون ذكر اسماء فالكل يتوقعهم لكني اشهد انها فكرة صعبة التحقيق و ان لم تكن مستحيلة ..
مفيدة جدا جدا و لكن خياراتها صعبة اوي
انا اقترح فعلا كما قالت بنت سعد ان تبدأ بحوارات خفيفة على ارض الواقع ثم يعد لاجتماعات اكثر توسعا تدريجيا ..
يمكن مناقشة ذلك على الانترنت اولا و اقترح قبل كل ذلك يمكننا عمل غرفة خاصة صوتيه في البالتوك مثلا ليجتمع بها نفر قليل منا يقرون ما الذي سيتم عمله .
اعتبرني معك و حاول الاتصال بي عن طريق النت ربما تتفيدك مقترحاتي التي لا استطيع قولها هنا .
At Thursday, December 21, 2006 9:58:00 AM,
هيكل عام للمدونين!!!
لا اعتقد ان في مدون يحترم ما يفعله يكره ذلك و لكن هناك من سيتبنى محاربة ذلك من المدونين بل و سيسخر مننا ايضا ان لم يكن هو القائد او الزعيم هنا بدون ذكر اسماء فالكل يتوقعهم لكني اشهد انها فكرة صعبة التحقيق و ان لم تكن مستحيلة ..
مفيدة جدا جدا و لكن خياراتها صعبة اوي
انا اقترح فعلا كما قالت بنت سعد ان تبدأ بحوارات خفيفة على ارض الواقع ثم يعد لاجتماعات اكثر توسعا تدريجيا ..
يمكن مناقشة ذلك على الانترنت اولا و اقترح قبل كل ذلك يمكننا عمل غرفة خاصة صوتيه في البالتوك مثلا ليجتمع بها نفر قليل منا يقرون ما الذي سيتم عمله .
اعتبرني معك و حاول الاتصال بي عن طريق النت ربما تتفيدك مقترحاتي التي لا استطيع قولها هنا .
At Sunday, December 24, 2006 1:06:00 AM, saso
انا من راي هاني حكاية هيكل تنظيمي دي تبقي سابقة لوقتها اوي
بالنسبة لي انا اساسا باحاول من زمان اعرف اجيب شهادات الناس اللي اتعملت ومش عارفة ..المشكلة زي ماكتبت عندي مرات في وجود الهيئة العجيبة للمحو..كاننا بنضر الناس دي لو علمناهم احنا
غير ان محو الامية مش هيصلح مشكلة التعليم كنسبة وتناسب السن الصغير اولي..سن المدرسة وبعدها نفكر في الكبار
مشكلتي الأبدية واللي مش شايفة نور من غيرها..الأمية والتعليم لو احنا فينا أمل عشرة بالمئة فالولاد الصغيرين مليون في المئة..يبقي التعليم بس دة موجّة ومش هنعرف نعدلة يبقي الأمية هيا معقدة برضة بس فيها مساحة اكتر شوية
بعد التعليم اعمل اللي انت عاوزة هيبقي عندك اساس تعرف تقول عليه يعني ايه فكر مستقل..يعني ايه تأثير مجتمعي يعني ايه بيئة محيطة المهم تكون بتكلم القادر علي فهمك
في مليون حاجة طبعا بس هيفضل التعليم هوا الأساس