Tuesday, November 20, 2007
ليه الدنيا متقلبتش لما قال مكرم محمد احمد : "أنا كل سنه بدخل على الاقل سته من اولاد الصحفيين كليه الشرطة " حقيقى مش فاهم
ليه شقق الشباب لازم يسلمهالهم الريس : "هى من جيب ابوه يعنى " , ولا هو من وخلاص , هو ده مش حقهم
ليه الدنيا فجأه بقت زحمه , وسعادته ننوس عينه , تامر امين مش عارف يمشى فى شوراع مصر الوحشه دى
ليه القائد العسكرى الامريكى كان فى مصر , وبعد لقاؤه مع حسنى خارج يقول احنا عايزين نعمل قاعده عسكريه فى المنطقه , يقصد ايه بالظبط
هى البلد بتتحرك فعلا ولا ايه الموضوع , ما يمكن بتتحرك
هو الناس اللى يتزود مرتبات ناس وناس لا , مش عارفين ان زياده المرتبات هتجيب تضخم لان مفيش زياده فى الانتاج , والناس اللى مزادتش مرتباتهم مش هيلاقوا ياكلوا
هو الحمير كتروا ليه مره واحده فى بلدنا
هو انا لسانى بقى طويل ليه كده , ولغتى بقت عاميه وزباله
posted by HANY at 9:26 PM | 
2 Comments:
بص بقي ساعم هاني
بالنسبه لموضوع مكرم محمد أحمد
فمين اللي هيقلبها عليه لو حسبتها كدا الراجل عنده ييجي 80 سنه شوف بقي والسنه أضربها *6 شكرا يعني يبقي عمل جبهتين حمايه ضباط وصحفيين شكرا يعني.
أما بالنسبه لأبو علاء أنت بتقول أنه هوا اللي هيوزع الشقق وهما بيقولوا هوا اللي هيوزع الشقق أنا مش عارف الحقيقه هيا فين أصلا الشقق؟أنت عارف بيفكرني بالكوبري اللي نظيف فتحه وبعد ما فتحوه راحوا قافلينه تاني عشان يشطبوه أعتقد هوا دا بالظبط اللي هيحصل
أنا مش عارف ليه أساسا تامر أمين يمشي ف الشارع ما يجيبولوا هليكوبتر من وإلي بيتهم أزاي يمشي ف الشارع أصلا ياعيني علينا أحنا اللي بيطلع عين أهالينا ف المواصلات ومش بنفتح بقنا
أما القائد العسكري ياباشا أمال أنت هتعمل مشروع نووي سلمي أزاي او ليه وامريكا مرحبه ليه وإسرائيل مفتحتش بقها ليه وف نفس الوقت ييجي أبو علاء يقوللك أنه مستعد يروح أسرائيل أعتقد أنك كدا فهمت هيا تنازلات م الطرفين
البلد فعلا فعلا بتتحرك مشفتش إعلان القطر تعالي وأنا أشغللك أل أيه والشغلانه هتجيب شغلانه .الناس دي بتستهبل
والتضخم بقي عارف المثل بتاع ضربوا الأعور علي عينه
الحمير كتروا عشان فيه حمير تانيين أستوردوا التوك توك وبعدين قالك دا مش قانوني عرفت بقي مين الحمير
أنت لسانك مش طويل أنت أصيل أما بالنسبه للغه أشمعنا دي يعني هيا اللي هتبقي صح.
وف النهايه أحب أقول أني طولت قوي بس برضه معتدش تفرق سونيا من سينا.