Wednesday, March 26, 2008
متغربين



يا مصر يا ام الاحزان وحشتينى , خلاص تعبت يا بلادى , محتاج احس بالدفا فى حضنك , مش عارف ليه ومرة واحده كده , بقى شغلى الشاغل انى ارجع مصر , يمكن من الاخبار الوحشة الكتير اللى بتجيلى عن مصر , يمكن خايف عليها , يمكن حاسس ان حاجه هتحصل ومش عايز ابقى بعيد وحاجه بتحصل , يمكن حاجات كتير اوى , بس مره واحده لقيتنى محتاج اجازة , لازم ارجع
اخبار العيش والطوابير والحاجات دى مش قلقانى خالص , لانى عارف ان فيه مبالغه كبيرة جدا فى الموضوع , ولا كمان موضوع الاضراب , ولا اى حاجه من اللى فى جرائد المعارضة , اللى قالقنى جدا موضوع الامريكان اللى موتوا مصريين على ارض مصرية ده , الموضوع يمس النظام كله , واستقرار البلد , وقدرتنا على حمايه امننا القومى , الموضوع كبير جدا
مش عارف ازاى الناس دى وصلت بيها الجرأة يعملوا كده , وايه بالظبط اللى هيحصل من تداعيات بعد كده , لو اللى بفكر فيه صحيح , ممكن يحصل تغيير شامل فى مصر على اثر الموضوع ده
اما بخصوص الاضراب العام اللى بيقولوا عليه يوم 6 , انا من دلوقتى اقدر اقول مش هيحصل حاجه , ولا اضراب ولا بتاع , وكله هيرجع زى الاول , الموضوع مش انى بكسر من مقاديف حد , ابدا , انا مبسوط جدا ان ناس بدأت تفكر بالطريقة دى , وانا ناديت قبل كده فى مقاله اتنشرت فى جرائد كتير انه يحصل ثاضراب سلمى شامل , بس الموضوع انى شايف انه مش وقته دلوقتى , مش لازم نستغل موضوع العيش وغيره وثورة الناس ونخليهم يعملوا كده
الفكرة انه حتى لو الحياه تمام والعيش متوفر والمرتبات كويسه , من حقنا نغير النظام لو احنا مش راضيين عنه , او خايفيين على امننا القومى
انما اننا نختزل الموضوع فىرغيف العيش والمرتبات فده خطر , وبيفكرنى بثورة يوليو , او الانقلاب العسكرى اللى سموه ثورة
ما علينا دلوقتى بس يا ريت اكون قدرت اوصل اللى عايز اقوله
انا بكتب بسرعه شوية عشان عندى شغل حالا
ان شاء الله لما ارجع هبقى اكتب مقاله تفصيليه عن الموضوع ده
اشوفكم على خير , وحشتينى يا بلدى
 
posted by HANY at 1:13 PM | 0 comments
Friday, March 21, 2008
حبيبى يا رسول الله

كل عام وانتم بخير

 
posted by HANY at 6:42 AM | 0 comments
Thursday, March 20, 2008
وطن

وطن , كلمة لطالما اعتقدت بها , وظننت انى افهمها تمام الفهم , ولكن بعد سفرى من مصر , ظهر لى معنى جديد للوطن , وبدات ادرك معانى جديده , فى البداية لنحلل سويا معنى الوطن للمصرى
لطالما اعتاد المصرى على التمسك بالارض , وعشق الاستقرار حول ضفاف النيل , فهو بالفطرة شعب يعشق الثبات ويكره التغيير , او بمعنى ادق يخشى التغيير , ولعل هذا الامر واضح وجلى فى امور كثيرة
ولذلك تجد معنى الوطن بالنسبة لمعظم المصريين هو بلدة الصغيرة التى يعيش بها , او القرية التى نشأ بها , او جزىء من جزىء من مدينة تحوى بيته , ولذلك تظهر مشكلة كبيرة عندما يغترب احد من المصريين مثلا بالاسكندرية وينتقل الى القاهرة للالتحاق بأحدى جامعاتها
والملفت للنظر فى الامر انه هناك سكن للمغتربين فى كل محافظة , اى اننا نطلق على المصرى الذى ينتقل من محافظة الى محافظة مغترب
وان دل ذلك على شىء فهو عشق المصرى للاستقرار
وان لم يبد لى ذلك جليا فى بداية سفرى من مصر وذلك لاسباب عدة
ولكن فى بداية سكنى هنا , كنت اعيش فى شقة فندقية فى الرياض , وعندما اتخذت قرار للانتقال لشقة اخرى فى مكان اخر
وعندما بدات ان اجمع حاجياتى لنقلها , شعرت بمرارة شديدة , لانى سوف اترك مكان اعتدت عليه , او بمعنى اخر اعتبرته وطن
وفى طريقى من سكنى القديم الى الجديد , وفى التاكسى امعنت النظر فى معنى الوطن , ووجدت انها اكزوبة كبيرة , نتجت من حبنا فى التحزب , والاستقرار
ولكن لو امعنا التفكير برهه واحده لوجدنا ان الله سبحانه وتعالى خلق الانسان ليكون خليفة فى الارض كل الارض , لا ان يكون خليفة فى مصر او تونس او او
والمقصود اننا بحدودنا بدأنا نفتقد للانصهار , وغابت عنا فوائد كثيرة , منها فوائد لم احسها فى حياتى الا عندما انعم الله على بعمرة , وفى هذه الرحلة الممتعة والتى استغرقت ثلاث ايام من الرياض الى المدينة المنورة ثم الى مكة المكرمة , استفدت كثيرا من اختلاطى بثقافات مختلفة , ومختلفة جدا ولعل هذه احدى الفوائد التى اخبرنا بها الله عز وجل , فى كتابة العزيز
اعلم ان كلامى هذا ربما يكون مستغرب فى البداية , ولكنها دعوة للتفكير فى معنى الوطن
ملحوظة : ليس معنى كلامى هذا اننى لا احب مصر او شىء ن هذا القبيل فحب البلد التى ننشأ بها مجبول فى طبيعتنا اى فى الطبيعة البشرية , وليس اختراع مصرى , ولكن ربما لاننا شعب شاعرى , فهذا الامر جلى فينا اكثر من باقى الشعوب , وعلى كل حال هى دعوة للتفكير
وللحوار بقيـــــــة
 
posted by HANY at 7:53 AM | 2 comments
هى دى مصر
مصر
فى بادىء الامر , اعلم انى توقفت عن التدوين لفتره ليست بالقليله , ولكن جاء ذلك بسبب استعدادى للسفر خارج مصر , وانا الان بالفعل فى المملكة العربية السعودية ,
اما عن ما اود الحديث عنه هنا فهو أمر اثار دهشتى انا شخصيا , وهو سفر مصر مسيحى معى الى المملكة ليعمل فى نفس الشركة التى اعمل بها
وجاءت الصدفة البحتة ليكون هذا الاخ هو رفيقى فى السكن , وعندما بدات الحديث معه عن الخلفية التى جاء بها من مصر , قال لى انه كان يعمل بشركة س وهذه الشركة منافسة للشركة التى كنت اعمل بها وهى ص
والغريب فى الامر ان س هذة والتى عمل بها المصرى المسيحى مملوكة لمسلم , ومعظم العاملين بها ملتحين , اما ص هذه والتى كنت اعمل بها انا فهى مملوكة لمسيحى , ومعظم الذين يعملون بها اقباط
فقلت له يا اخى هى دى مصر , انت تشتغل فى س وانا اشتغل فى ص
 
posted by HANY at 7:40 AM | 0 comments