Sunday, November 25, 2007

الكاريكاتير , لسمير عبد الغنى , من جريده العربى
 
posted by HANY at 9:46 PM | 3 comments
Thursday, November 22, 2007

فى البداية , جاءت شركة اتصالات الى مصر مكشرة عن انيابها , ومعلنه التحدى فى سباق هو الاشرس من نوعه , وهو سباق الى عالم اليوم , بتكنولوجيا الغد , واعلنت اتصالات انها ستكون اول مزود لخدمة الجيل الثالث فى مصر , ثم ما لبثت ان اعلنت انها ستقوم بادخال خدمة 3.5 , بعد ان قامت شركة فودافون مصر , باعلان بدايه تشغيل شبكه الجيل الثالث لديها



ثم ما لبثت فودافون مصر ان ملأت شوارع القاهره بانها بالفعل قامت بادخال شبكة الجيل 3.5 الخدمة , والان تقوم شركة اتصالات باعلان الجيل 3.75 , فهل سنشهد فى القريب العاجل تحول جديد فى مجال جوده الخدمة لمقدمة , وايضا السعر , لا احد يدرى , ولكن ما لا شك فيه ان فودافون ستقوم بادخال الجيل3.75 فى القريب العاجل ,
فى الوقت الذى تقف فيه شبكة ام نبيل " موبينيل سابقا" , متفرجا على عالم التكونولوجيا فى حين تقدم هى خدمة الاقاليم , فهنيئا لكى يا مصر بام نبيل وشعارها دائما , "يد المحمول فى جيب الجميع " .



وما زال للحوار بقيه
 
posted by HANY at 6:37 PM | 1 comments
Tuesday, November 20, 2007
ليه الدنيا متقلبتش لما قال مكرم محمد احمد : "أنا كل سنه بدخل على الاقل سته من اولاد الصحفيين كليه الشرطة " حقيقى مش فاهم
ليه شقق الشباب لازم يسلمهالهم الريس : "هى من جيب ابوه يعنى " , ولا هو من وخلاص , هو ده مش حقهم
ليه الدنيا فجأه بقت زحمه , وسعادته ننوس عينه , تامر امين مش عارف يمشى فى شوراع مصر الوحشه دى
ليه القائد العسكرى الامريكى كان فى مصر , وبعد لقاؤه مع حسنى خارج يقول احنا عايزين نعمل قاعده عسكريه فى المنطقه , يقصد ايه بالظبط
هى البلد بتتحرك فعلا ولا ايه الموضوع , ما يمكن بتتحرك
هو الناس اللى يتزود مرتبات ناس وناس لا , مش عارفين ان زياده المرتبات هتجيب تضخم لان مفيش زياده فى الانتاج , والناس اللى مزادتش مرتباتهم مش هيلاقوا ياكلوا
هو الحمير كتروا ليه مره واحده فى بلدنا
هو انا لسانى بقى طويل ليه كده , ولغتى بقت عاميه وزباله
 
posted by HANY at 9:26 PM | 2 comments