Tuesday, August 22, 2006


الجزىء الاول
*

فى البداية اعتذر عن التاخر فى كتابة هذا البوست ! وليس للعذر ولكنى بالفعل كنت مشغول جدا

الى كل المدونين وبالاخص المشاغبين منهم أهدى هذا البوست
بعد النجاح المدوى للمدونين والصداع الذى يسببونة للنظام المصرى ذادت وبالتوازى معه مجهودات الامن للقضاء على المدونات وبالفعل حدث هجوم على بعضها ولما كان يتعذر على عقول النظام الالمام بكيفية اغلاق المدونات فقد لجأوا الى امر اخر وهو تتبع اصحاب المدونات وقد علمت انة يتم الان الاعداد لمذبحة للمدونين بمعنى انهم بالفعل يعلمون بعضهم والمجهودات تقوم الان لجمع معلومات عن الاخرين حتى يتم جمعهم وانتوا عارفين الباقى بقى وربنا يجعل كلامنا خفيف على قسم قصر النيل .
ويا ريت محدش يذايد عليا ويقولى انت خايف ولا ايه . من الاخر كده الموضوع مش فارق معايا ويكشى تولع احنا بعناها من زمان قوى ومعدتش فارقة معانا حاجة . بس انا كاتب الموضوع ده عشان اللى تفرق معاه وملهاش لازمة البهدلة يعنى , وكمان عشان اخواتى المدونات هما اكتر من يحتاج الى التخفى من ولاد **** وعلى رأى المثل اش جاب لجاب الشبشب للقبقاب

وكل واحد بعد كدهيخللى بالة من ايبيهه واللى ايبيهه هيتاخد انا مش مسؤول .وندخل فى الموضوع اى حد بيدخل نت ممكن يتعرف هوه داخل منين خصوصا لو كان داخل عن طريق الدى اس ال لانه بيكون ليه اى بى ثابت وعن طريق التتبع هيتعرف هوه منين وهيجيبوه وعلى قسم قصر النيل واشحن يا جدع انما لوداخل عن طريق التليفون فبيكون ليه اى بى متغير يعنى كل ما يدخل بيبقى ليه اى بى مختلف وسهل يتجاب برضه وهيتعرف هوه داخل منين وووووو
وزى ما انتوا شايفين فى الصوره دى ده البلوج بتاعى وده برنامج مجانى بيجيب مين اللى داخل على الموقع ومنين وباين طبعا انى انا داخل من مصر
انما بعد التخفى والدخول تحت بروكسى من بريطانيا ستجدون كما هو فى الصورة انى داخل من بريطانيا ., طيب وازاى بقى نعمل كده هوه ده السؤال
اولا نفتح موقع بروكسى فور فرى زى ما فى الصورة وبعدين نختار من اليمين الصحه اللى احنا عايزينها
هنلاقى زى ما فى الصورة كده وهناك ثلاث انواع كما هو واضح الاوال فى الصورة وهو من روسيا وهو شديد التخفى والثانى من تركيا وهو شفاف والثالث من بريطانيا وهو متخفى والعلاقه بين التخفى وسرعة التصفح عكسية , اى انه كلما ذادت درجة التخفى قلت سرعة التصفح ولذلك هنخلينا فى الوسط وهنختار الاخير اللى هو من بريطانيا وده هيدينا التخفى اللى احنا عايزينة وكمان سرعة التصفح مش هتبقى بطيئة اوى
وبعدين هنفتح توولز زى ما فى الصورة وبعدين انترنت اوبشن
وبعدين هنتكى على كونكشن وبعدين هنختار لان كما فى الصورة
ثم نقوم بوضع علامة صح فى المكان المحدد فى الصورة ونقوم بوضع الارقام كما هو مبين ثم نضغط اوكى وننتظر قليلا ثم نقوم بفتح الانترنت اكسبلورر وأول ما سنلاحظة هو انخفاض سرعة التصفح عن العادى ولكننا سننعم بالتخفى والامان واذا لم تستطع ان تتعايش مع هذه السرعه يمكنك الغاء ذلك بمنتهى السهوله عن طريق ازالة علامة الصح وضغط اوكى

دى اول طريقة انما فيه طريقة ثانية اقوم حاليا بأعدادها ودى معقده شوية صغيريين بس لذيذة لانها تقوم بمنحك الامان التام والمحافظة على سرعة التصفح كما هى وسوف اقوم بنشرها قريبا ان شاء الله
*

تحذير للمدونين
*
كما فى الصورة ده احد البرامج اللى المدونين بيستخدموها بكثرة فى مودوناتهم ولخطورتة وجب التنوية طبعا البرنامج ليه موقع وبعد الدخول على الموقع وادخال اسم المستخدم وكلمة المرور تظهر صفحة الاعدادات

وكما فى الصورة تظهر الرسائل بجوارها التاريخ وايضا الاى بى لكاتب الرسالة وهى المشطوب عليها بالاسود ودى خطورة الموضوع لانه بسهولة ممكن الامن يعمل مدونة ويشتم فى النظام ويعيش معانا الدور وبعدين يدخل على مدوناتنا ويترك رسائل وكرد للزيارة نزور نحن مدونتهم ونترك رسالة وانسى بقى يا معلم هيعرفوا ال اى بى بتاعك وانت عارف بقى الباقى

طيب والعمل اية ؟؟؟ يا ريت منسبشى رسائل فى البرامج اللى زى ده غير فى المدونات الموثوقة او اللى احنا عارفينها يعنى وبدل كده ممكن نترك كومنت احسن كمان انصح اخوانى المدونين باستخدام فير وول وانصح باستخدام ويندوز اكس بى سيرفس باك تو او سيرفس باك تو ميديا ريديوزد ايديشن او للناس اصحاب الكمبيوترت الجيدة مش الغسالات بتاعتنا يعنى استخدام فيستا كمان لازم ننظف التيمبات أول بأول وكمان انتى فيروس يبقى تمام قوى ويا ريت ناخد كلنا التمبليت كوبى ونحتفظ بيه عندنا ويا ريت كل المواضيع والصور والفيديوهات كلها تبقى عندنا على اسطوانة مش على الهارد عشان الاحتياط برضة


وكمان محبكتشى يعنى لما تيجى تزور المدونات المجهولة وترك رسائل انك تدخل من البيت او من الوصلة ام 20 جنية دى او 30 جنية للناس المضحوك عليها لامؤاخذة انما ممكن ندخل من اى سيبر بعيد عن البيت خالص او لو ليك حد بره مصر ممكن تكتب انت الرسالة وتبعتهالة وهو يدخل ويسيبها


من الملاحظ طبعا انى كتبت البوست ده بلغة المبتدأين عشان اللى اول مره يسمع عن الموضوع ده , وطبعا عارف انة معظم الناس الكلام ده بالنسبه ليها قديم جدا وكمان بدائى وأوعدهم ان شاء الله بموضوع للمحترفين وبلغه محترفة وفية كل حيل التخفى وبعض حيل وطرق الاختراق


وفى النهاية ادعوا جميع المدونين الى وضع المسؤولية امام اعينهم دائما حين يكتبون فلم تعد المدونات كما كانت منذ وقت قريب انما نجد الان اقتباس معظم الجرائد والمجلات من المقالات التى يكتبها المدونين وأيضا استعانة القنوات الاخبارية من المادة الفيلمية التى يقوم المدونين بتصويرها بأنفسهم

ولكم جميعا التحية والى اللقاء

الجزىء الثانى

*

*



سوف اقوم هنا بتطوير موضوع التخفى والتأمين حتى يشمل فتح المواقع المحجوبة وايضا معرفة اذا كان هناك من يحاول تعقب جهاز الكمبيوتر

ولنبدأ بموضوع شبكة الاهرام : واليكم نص الشبكة العربية لحقوق الانسان

ضربة قاسية لحرية الصحافة في مصرجريدة الأهرام تستخدم فلتر لحجب مواقع الانترنت
القاهرة في 8 أغسطس 2006 في إجراء ينتهك حرية الصحافة وحق تداول المعلومات ، قامت جريدة الأهرام بتركيب فلتر يحجب المواقع التي تعترض عليها الجريدة عن الصحفيين داخل شبكة مؤسسة الأهرام ، والتي تخدم نحو خمسة عشر ألف موظف ، ضمنهم حوالي ألفي صحفي.وقد أعلن العديد من صحفيي الأهرام ، وهي اكبر مؤسسة صحفية في الشرق الأوسط وشمال أفريقيا، عن بالغ قلقهم من هذا الإجراء الذي حد من إمكانياتهم في تصفح العديد من المواقع التي يأتي على رأسها المدونات التابعة لمحرك البحث الشهير "جوجول

-

www.blogger.com" ، كما أعلنوا عن خشيتهم لأن يمتد الحجب ليطال مواقع أخرى لا ترضى عنها إدارة مؤسسة الأهرام . وقال جمال عيد المدير التنفيذي للشبكة العربية لمعلومات حقوق الإنسان " هذا إجراء خطير و خاطئ تماما ، خاصة حين تمارسه مؤسسة صحفية مثل الأهرام ، إنه يتنافي مع الدور المفترض أن تقوم به ، ونتمنى أن يتم التراجع عنه وتصحيحه دفاعا عن حرية الصحافة وحق الصحفيين في تداول المعلومات"

والى كل العاملين فى شبكة الاهرام اقول لهم ان برنامج فورتى جارد الذى تستخدمة الشبكة يمكن اختراقه عن طريق الدخول الى الانترنت تحت بروكسى ويمكنكم تعلم ذلك عن طريق الضغط
هنا

وهذه الطريقة هى الطريقة اليدوية لفتح المواقع المحجوبة

كما يمكنكم ذلك عن طريق احد البرامج التى تقوم بعمل ذلك مثل
تور او برنامج تورباك او غيرهم الكثير

واستخدام احد هذه البرامج هيحل مشكلة السرعة يا بحب مصر

وبخصوص اللوجو فانا عملتة يا سوسة ولو حد من المدونين عايز يحط رابط للموضوع اكون سعيد جدا ويا ريت يستخدم اللوجو وشكرا


الموضوع الثانى الذى اريد التحدث عنه وهو معرفة وكشف محاولات التتبع والاختراق ويمكنكم ذلك بكل سهولة عن طريق الفير وول , ولو الفير وول مش كويس ممكن تعرف عن طريق احد برامج النت ستيت مثل برنامج

x-netstat professional 5.46 وهذه صورة البرنامج




وبما ان الموضوع للمحترفين فمش عايز شرح وعيش حياتك انت بقى واستكشف البرنامج
وبعد ما يتم تنزيلة من النت وانزالة على الجهاز اعملة بقى ريجيست ودخل المعلومات دى هيشتغل معاك بروفيشنال مش تريال وهتلاقى كل الاوبشن اللى فية شغاله


Name: www.bg-warez.org
Email:
crackteam@bg-warez.org
SN: 6DE1F-EEDF5-3E2BF-5161D-B5A50


وزى ما هوه واضح ان البرنامج مش بس بيقولك اذا كان فيه حد بيحاول يتتبع جهازك او يخترقة انما ده كمان بيقولك ال اى بى بتاعه ومكان واسم جهازة واسم الشركه اللى داخل منها نت يعنى بيجيبلك تفاصيل كاملة عنه وبالمعلومات دى ممكن تعمل اسكان على ال اى بى وتدخل انت على جهازه عن طريق كلينت تو سيرفر كونيكشن لو كان مفتوح فى جهازة بورت معين انما لو كان جهازة محمى كويس ممكن تدخل عن طريق بير تو بير كونكشن وكمان ممكن تعرف مكان اللى بيعمل معاك شات واسم جهازة والشركة اللى داخل منها نت وتفاصيل كتير واسيبلكم بقى بقيت الاوبشن تستكشفوها بنفسكم وعيش بقى يا عم بس ابقى ادعيلى


ولانى بحب دايما ادى للناس السنارة مش السمكة فللى عايز اى كراك ممكن يدوور عليه فى برنامج craagle وأكيد هتلاقيه

انتظروا قريبأ مفاجاة EGYPTIMES

وفى النهاية لكم جميعا التحية




 
posted by HANY at 4:46 PM | 12 comments
Thursday, August 10, 2006

*
*
أوهن من بيت العنكبوت , أنتم تقاتلون ابناء محمد وعلى والحسن والحسين وأل بيت رسول الله وصحابة رسول الله , أنتم تقاتلون قوم يملكون ايمانا لا يملكة احد على وجة الكرة الارضية , لا مكان للتراجع لا مكان للضعف لا مكان للزل هيهات منا الزلة
كانت هذه هى الكلمات التى سمعتها من فم السيد حسن نصر الله , كلمات يمكن ان يعتبرها البعض شعارات , اما انا فأقول انها ليست بشعارات وانما هى عقيده , هى عقيدة المجاهدين , هى عقيدة الموحدين , هى عقيدة المقتدين برسول الله صلى الله عليه وسلم لقد لقن الجاهدين فى لبنان العدو الصهيونى والامريكى درسا لن ينسوه , وقبل هذا العدو فقد اعاد هؤلاء المجاهدين لنا ثقتنا فى انفسنا , وفى ايماننا , وفى رجالنا , وايضا قد وضعوا حكامنا الراكعين فى وضعهم الحقيقى واظهروا خيانتهم وعمالتهم وضعفهم
*
المقاطعة
*
عندما نتحدث عن المقاطعة يتبادر الى الذهن مقاطعة المنتجات المريكية والصهيونية , اما المقاطعة التى اتحدث عنها هىالمقاطعة التى تؤدى بنا الى تطهير انفسنا , مقاطعة السينما والاغانى والافلام , مقاطعة التدخين والخمور , مقاطعة العرى والفجور , مقاطعة الفنانين والفنانات والراقصين والراقصات , هذا بالطبع مع مقاطعة مباريات كرة القدم , والبرامج التافهه , ومقاطعة الكتاب والادباء والشعراء الموالين للانظمة الفاسدة
اى اننى اعنى هنا المقاطعة الشاملة , فمن غير المعقول او المقبول ان يتحدث احد عن عن لبنان بالنهار ويذهب الى السنما بالليل , وغير ذلك واظن ان ما اعنيه واضح للعيان ولا يحتاج الى شرح
ان من اكثر الاشياء التى تثير اشمئزازى هى هذا الكائن الهارب من التجنيد والذى يغنى لمصر بكل بجاحه وايضا يغنى للبنان " سبحان الله " اذا لم تستحى فافعل ما شئت
*
كذا صار الدم العربي

سكيناً وذبّاحاً‏

وصار الشعر بعد الصمت‏

في الساحات صدّاحاً

كذا صرنا ولن نبقى‏

إذا كنا تناسينا‏

جهاد الحق والإيمان‏

وأن الشعب رغم الذل رغم القهر

يرفع راية العصيان‏

يصمم أخذها غصباً ويأخذها‏

كذا فعلت رجال الله‏

يوم الفتح في لبنان‏

* * *‏

جنوبي الهوى قلبي‏

وما أحلاه أن يغدو‏

هوى قلبي جنوبيا‏

هنا حطت رحائلنا‏

تعال اخلع‏

وقد أرجوك أن تركع‏

تعال اخلع نعالك إننا نمشي‏

على أرض مقدسة‏

فلو استطيع أعبرها على رمشي

هنا سلبوا. هنا صلبوا‏

هنا رقدوا. هنا سجدوا‏

هنا قصفوا.. هنا وقفوا‏

هنا رغبوا.. هنا ركبوا‏

براق الله وانسكبوا‏

بشلال من الشهداء‏

قبل رحيلهم كتبوا‏

كتابات بلا عنوان‏

ستقرأ في مدارسنا

رجال الله يوم الفتح في لبنان‏

* * *‏

لأن الشعب كان هناك‏

يرفض فكرة الإذعان‏

لأن جراحهم نزفت‏

ونخوة عزهم عزفت‏

نشيد المجد للأوطان‏

لأن الأرض مطلبهم‏

ونور الحق مركبهم‏

تجرد من بقيتهم رجال آمنوا قرؤوا‏

(إذا جاء)‏ ))

رجال عاهدوا صدقوا‏

وقد شاؤوا كما شاء‏

صفاء النفس وحدهم‏

فجل حديثهم صمت وبعض الصمت إيماء‏

لذا هبوا كإعصار فلا يبقي ولا يذر‏

لهم في الموت فلسفة فلا يخشونه أبداً‏

بذا أمروا‏

لأجل بلادهم رفعوا‏

لواء النصر فانتصروا‏

* * *‏

جنوبيون يعرفهم تراب الأرض‏

ملح الأرض.. عطر منابع الريحان‏

جنوبيون يعرفهم سناء البرق‏

غيث المزن.. سحر شقائق النعمان‏

نجوم الليل تعرفهم‏

وشمس الصبح تعرفهم‏

وبوح الماء للغدران‏

وقد عرفوا طيور الحب‏

فتك السيف‏

شعر الفرس والإغريق‏

والفينيق والرومان‏

لهم علم ومعرفة بمن سادوا.. ومن بادوا‏

وموسيقا بحور الشعر وكيف يحرر الإنسان‏

جنوبيون كان الله يعرفهم‏

وكان الله قائدهم.. وآمرهم‏

لذا كانوا- بكل تواضع كانوا-‏

رجال الله يوم الفتح في لبنان
*
لا مكان الان الا الى المقاومة , لا مكان الان الا الى الغضب اغضبى ايتها الشعوب العربية , اغضبى وثورى
*
لتنزيل فيديو أنشودة هيهات منا الذل اتبع هذا الرابط
*
http://www.filegone.com/xw2l
*
فيديو أنشودة يا بحر النار
*
http://www.filegone.com/w09x
*
فيديو أنشودة جنوبي الهوى
*
http://www.filegone.com/fhuq

 
posted by HANY at 2:04 PM | 2 comments